Der - mittlerweile nichtmehr ganz so neue - "Wer ist Österreicher"-Thread (Part III)

[Borkenkaefer]

@Mighty : Jo, vo mir a ois guade. Trink a Glasl mit fia mi.
I werd a ans auf di trinka

@BB : Jo, des san schene Fotos, des lob i ma.

@Geni : So wia da Schelm denkt, so is er a

 

[NuKe-SpEcIaLiSt]

was is an gesicht sehen wollen notgeil?
da hätt ich nach nacktfotos gfragt wenn i des gwesen warat..

 

[Ginseng]

gratz mighty

@bb: urlaub, hm, wonn i des siach vasuch i des glab i a amoi wida (oiso i red von da londschoft )

@nuke: da geni geht zurecht davon aus, doss mia uns olle aus de büldalen pathwork-fraun bastln, und wos was ma, wia des gsicht nochand eingsetzt wead

 

[Goldbergus2]

Hawedere!

@ Urlauba:

Nette Londschoft. Nette Büda aa. Owa a weng groß fia mein Gschmock - mir hats de Monitorumrahmung zrissn ... nexts moi machs a weng klaana bevorst' as postest *

@ Geburtstagskindl:

Nochträglich olla(s) Guade. Mögest du amoi so oid wern wies'd heit scho ausschaust ... *hrhrhr*

@ Büdabastler:

Loßts de Schwesta in Ruah ... wauns veröffentlicht werdn wüü wird des da Kollega scho mochn ...

GreeZ

Old Gold

 

[Gorbag]

Moin, mi gibts ah no, wast eh, a Unkraut vageht ned

Wos her i do üba des bissi koid sein do draußn und des Verkühln? Es Burschn, Weicheier sats. A bissi Brisn und schu sats olle krank. Tuats a bissi mehr obhärtn, bissi mehr Sport, öftas koid duschn (und daun obtrocknen, oba nimma woarm duschn!) daun kinnats de Viren eich nimma vü anhobn.
So genua g'schimpft gemma zu den erfreulicheren Sochn.

@Urlaubfotos: Wow geil schauts des aus, oba wie Dr. Goldbergus schu g'sogt hot, a wengal gross sans. De ham sogar mei 19" Monitor ausanandbogn. bb: Nächsts Moi tuast de Büda im Photoshop per Batch-Stapelverarbeitung auf 800x600 verkleinan, des is a bissal mehr userfreindli.

I bin daun ob nächste Wochn net do, a Wochn in Italien und daun de Wochen drauf a poar Tog in Deutschland. Oiso gebts ka Vamißtnanzeige auf

 

[Bier Bauch]

@bb wie host urlaub gmocht auf sardinien? hotel, zöt, appartment? i hob nämlich ghead dos ma sardinien gor ned so leicht buchen ko.

oiso zötn auf sardinien is ka urlaub ...
hom ende juli gebucht und as glück ghobt, dass in dem hotel genau nu 1 apartement frei wor
is a klans hotel und jedes zimma is a eigenes, einzelstehendes apartement und die zimma san echt groß
unsas wor eigentli ois einzelzimma angebotn owa do worn 2 einzelbetten und 1 doppelbett drinnen, zudem voll eingerichtete küche mit 4 herdplatten und kästen voll mit töpfen, pfannen etc. (homma zwor net braucht wegen all inclusive, owa trotzdem praktisch, vor ollem da kühlschronk)
wor echt a voller erfolg, guades essen und überaschender weise a guades bier

und die fotos san doch relativ groß, muas i zuagebn, wobei die sogor nur in mittlerer auflösung mit meina kamera gschossn wordn san - 1600 x 1200 - die größte auflösung wa 2304 x 1704

@all notgeile hund

klor gibts a ganzkörperaufnahmen, owa moi schaun, ob i die uppe

 

[--=}Mighty{=--]

morgn

thx nochmo on olle gratulanten

jo up sie für uns plz

 

[[Pyro]]

dere leudln!

wia gehts eich?


woit nur moi schaun obs eich eh guat geht.

dere pyro

 

[genmanipuliert]

wor echt a voller erfolg, guades essen und überaschender weise a guades bier

und wie hots preislich ausgschaut? (wonst as varoten wüst )

gestern hob i a echtes bier aus china "genossen". des schmeckt eigentlich gor ned ondas

und hot genau sovü alkohlgehoit.
des hot mi irgendwie entdäuscht ....

 

[Ungust]

Fia mea Alkoholgehalt konni nua aufs Russnbier vaweisn - 8% aufwärts .

 

[[Pyro]]

wor des des tsing tao bier wos du drunkn host. i find des is ned amoi schlecht.

oba wie du sogst, für a chinesisches bier, eigentli nix bsunders.

 

[genmanipuliert]

Fia mea Alkoholgehalt konni nua aufs Russnbier vaweisn - 8% aufwärts .

wird des scho mit wodka ogmischt oda muaß ma sie den no söwa besorgen?

wöches bier was i ned. i woit ma die dosen eh aufheben, weu die hot no den oiden vaschluß ghobt (wonn den do herin üwahaupt no olle kennan )
owa im suff is des untagongan.

außadem hob i no an tipp fir euch:
zum obendessen hauts euch a poar schorfe pfeffaroni eine, donn trinkts 4/4 sturm aufwärts. dea absolute härtetest fir jeden russischen-charmin-klopapier-teddybärn.

 

[AgainstAuthoriy]

a freind von mir hot a bier aus tschiechen mit 16% amoi mitghobt - i hobs gsehn
i glaub des wor a a budweisa oba mit 15.8 oder 16% - dovon musst net fü saufa ^^

 

[AgainstAuthoriy]

Owa waunst wüüst schreib ma a PM und dann treff ma se auf a guads Guinness oda zwaa oda drei ... dann kannst mi aa amoi sehn ... oda doppelt ... oda dreifoch ... *hrhrhr* ...

des hob i nu gaunz übasehn ^^
i schau hoit, dos i zum nächsten treffen kumm
i was jo net gaunz: 18 zu 46

edit: sorry fürs doppelpost, i woit editieren ^^

 

[Ungust]

zum obendessen hauts euch a poar schorfe pfeffaroni eine, donn trinkts 4/4 sturm aufwärts. dea absolute härtetest fir jeden russischen-charmin-klopapier-teddybärn.

wia moanst des mim härtetest? obs es papier zafrisst oda net?

wodka is no koana im bier, owa im mogn kummt jo bekonntlich e ois zom .

@china: bei so am riesn lond miassn de jo fost a guats bier hom .

 

[Goldbergus2]

Nachdem i heit den gaunzn Tog des Forum ned erreichn hob kennan schnöö no a Statement furm Haamgeh:

Moin, mi gibts ah no, wast eh, a Unkraut vageht ned

---> Wiß ma und is guad so

(...) Weicheier sats (...)

---> Na bin i froh dass meine no ned hortkocht san ... *hrhrhr*

(...) I bin daun ob nächste Wochn net do, a Wochn in Italien und daun de Wochen drauf a poar Tog in Deutschland. Oiso gebts ka Vamißtnanzeige auf

---> Bring mir a Radl Parmesan mit ... hat eh nur 80 kg ... wirst jo derschleppn, bisch jo ka Weichei *hrhrhr* ...

(....) klor gibts a ganzkörperaufnahmen, owa moi schaun, ob i die uppe

---> Ned uppn. I waas jo ned was du unta "Ganzkörpaaufnahme" vastehst ... ... owa vielleicht soid des ned dem ganzn Forum zugänglich sei ...*hrhrhr*

Des wors. Jetzt geh i mein LottoVierer einlösn und kauf ma a Guinness um den Rebach ... Prost, Freunde.

GreeZ

Old "Guinness" Goldberg

 

[genmanipuliert]

Rebach

hast des net reibach? zumindest kenns i nua so

 

[Ginseng]

morgn

oiso i dadad a auf reibach tippn

btw geni wos mocht da schweinestall? wead er no fertig bevor da erste schnee kimmt

 

[Goldbergus2]

Reibach - Rebach ... wurscht. Gewinn is Gewinn - oda?

40 €urotische hats einbracht - Guinness war guad ... *hrhrhr*

Ein Prosit auf de Lottozahln ...

Gold

 

[Bier Bauch]

und wie hots preislich ausgschaut? (wonst as varoten wüst )

oiso 1 woche doppelzimmer mit vollpension plus (= frühstück, mittagessen, abendessen + alle getränke zu den mahlzeiten gratis(!)) mit flug also quasi olles zom etwas üba 1250.- €, sprich guad 630.- € pro Person